مجموعة مجـــاريد الطفل

موضوع: مجموعة *مجـــاريد الطفل* 08.02.08 21:30

مجـــاريد الطفــــــل

موضوع: مجموعة *مجـــاريد الطفل* 08.02.08 21:52

مجرودة الأبلة

مرحبتين اهلاً يا ابلتنا آنستنينا في حصتنا
راه آسفين على هرجتنا درنالك فوضى و زنين

درنالك يا ابلة فوضى انتي معانا مانك محظوظة
لكن هذي هيّا الروضة عيال صغار و طايشين

قلتلها يا ابلة هدّي قالتلي يا مرزي عدّي
راكم مزّطتولي كبدي بكرة نخش التوبو وين

قلتلها مادرت الواجب يا ابلة طاعتكم واجب
عيني ماتعلى عالحاجب وانتي فوق رموش العين

قالتلي بطّل تبكيش كلامك عندي ما يمشيش
نلاقيك بـ عض وتنتيش ان كان ما تكتب هالدرسين

قلتلها ارخي السورية كنّك غير تخضي فيا
امي عدّت للسهرية وباتي غايب من يومين

قالت عندي ما تعذّر من مولاي علي مقدّر
يوم شديد و يوم مغبر يوم عطوني هالفصلين

ما فطنت الاّ وهيّا فوقي تعضعض في وذني و شدوقي
دمّي لين وقّف في عروقي و دموعي تمّن سيلين

تمّيت نعيّط و نشالي ونصرخ بالصوت العالي
لكن ما جاني لا والي حزازة لا فزاعين

لا ما حد عليا حز في المرقد تمّيت نهز
متعشي عصبان و رز نحلم لكن حلمي شين

كلمات : بدرية الأشهب
غناء : الطفلة نرجس

مجــرودة الأبلــــة

مجموعة *مجـــاريد الطفل*

مجموعة مجـــاريد الطفل